鄭秀文專訪︱ 婚姻物語「我覺得有時硬淨到咁，我唔能夠原諒，又唔係喎，原來有啲事發生咗，我又睇到自己另一面。」（#鄭秀文 #sammi #許志安 #黃心穎 #安心出行 #流水落花 #娛壹）
25,012
Publicado 2023-03-03
「我覺得有時硬淨到咁，我唔能夠原諒，又唔係喎，原來有啲事發生咗，我又睇到自己另一面。」
婚姻從來不易。
《流水落花》中的天美姨姨與彬叔叔如是。
鄭秀文（Sammi）的現實生活亦然。
在婚姻中，Sammi認識自己更多，愛與關係是她生命中的基石。不放手，一起走下去，成就了一個愛的盟約。
盟約不同契約，盟約需要共同委身於比個人目標更高的理想；契約是利益的交換，不獲滿足可按協定隨時廢掉。
要多少的愛，才能守住一生的婚盟？
「其實時間係一個好好嘅藥方，經過一啲時間，好多傷痛傷疤都會慢慢、慢慢成為過去。」她說。
愛有很多面向，「愛是恆久忍耐，又有恩慈……不計算人的惡。（love is patient, love is kind......does not keep a record of wrongs. -CSB譯本）」
Kind包含寬容及體貼之意，愛一個人是帶着耐心，為對方的好處而付出，還要不記着對方的過犯。
難，比登天更難，但她和很多人一樣，默默地在做。
【原諒不可單靠意志】
時間回到過去，Sammi十五歲初戀，但很快便完結，不怎難過。十六歲參加《新秀歌唱大賽》，跟早幾屆的許志安遇上，大家在華星常合作，一群人嘻嘻哈哈，他們份外談得來，沒有誰追誰，就是那樣開始的。之後分分合合，再結為夫婦，大半生的愛。
Sammi為宣傳電影《流水落花》而至，片中被飾演她丈夫的陸駿光背叛，現實中亦經歷過丈夫出軌，但她沒有避忌，說：「拍完呢部戲，對夫妻關係有更進一步理解。」
她覺得原諒不可單靠意志，「原諒係一種選擇，但你冇得迫㗎，好多人話對父母好多怨恨，或者對你嘅所謂仇人好多怨恨，你要原諒，可能一下子原諒唔到，或者永世都原諒唔到，我覺得關乎性格，同埋你點睇生命、點睇錯誤。」
原諒也包含容讓對方改過，因被接納而蛻變的滋味，她嘗過。
「以前嘅自己同依家真係好大分別，首先多咗謙卑，同埋同人相處識得講對唔住，知道世界很大，我只係一粒微塵。我好高興搣甩咗以前個花名，哈哈，更新咗咁多年，呢樣其實要好多謝觀眾，多謝身邊人肯願意相信我可以改進同改過。」
【凡事相信凡事盼望凡事忍耐】
「如果冇人相信你願意改過，冇人肯畀機會你，你做幾多嘢都係枉然，願意相信你可以改進嘅話。嗰份願意相信，畀多好多力量當事人去改變自己。」
溫柔與硬淨的特質，吸引導演賈勝楓找她演天美姨姨一角。剛柔並濟，讓Sammi走過人生一個又一個挑戰。
「有時我覺得我自己好強咩，唔係喎，有時好少嘢都可以打沉到自己；我覺得自己好弱咩，又唔係喎，當發生一啲突如其來嘅事，我睇我自己有所需要嘅硬淨。我覺得有時硬淨到咁，我唔能夠原諒喎，又唔係喎，原來有啲事發生咗，我又睇到自己另一面。」
她指婚姻本身不提供愛，是彼此之間的愛去滋養着婚姻。
「我其實比你想像中小鳥依人，夫妻關係唔能夠強弱太懸殊，一個強到好似皇后咁，一個鵪鶉、小鳥到不堪，我覺得係唔work，係要有適度嘅平衡，可能五五，有時六四，都唔重要，但去到七三、八二，我覺得好難長期相處。」
目前可能是Sammi最開心的人生階段，「以前廿幾三十歲，凡事都好似要掌握喺自己嘅手裏面，凡事都要自己掌握，所有嘅成功失敗都睇得好重、好重，但依家我好順應，即係做完每一個project，我就放低。」
跟身邊人的關係才是她的成績表，「人死嗰刻，你唔會再諗我留低咗幾多部電影，會諗人同人嘅關係，或者會唔會有乜嘢遺憾，而我帶住呢個遺憾離開，所以我覺得適時反省自己，同埋講對唔住相當重要，讓自己同埋讓被你傷害過嘅人去釋懷。」
有這種改變，除了「信主得救」之外，「走過三年depression，我覺得其實好似上天將我整個人打碎晒，跟住重新搵嚿泥，再重新搓一個新造嘅鄭秀文出嚟，先至成為今天嘅我。」
【支持新導演 冇新就冇延續】
零片酬拍《流水落花》，Sammi往後也想幫多些新導演。她曾在IG上載去睇《過時.過節》、《正義迴廊》、《窄路微塵》等的片段，連同觀後感及讚美，知道天后開Po的含金量，便明白她是用行動撐影圈。「上天畀機會我做少少嘢去支持新導演，因為每一行都係冇新就冇延續。」
對於《流水落花》導演賈勝楓，她說：「對一個第一次拍戲嘅導演，我係莫名我就好信任佢。」
的確，Sammi解說片中夫妻關係時，出軌情節不同，但情感上有點「似曾相識」。若非專業而信任合作團隊，很難如此自若地講論角色。
「呢部戲角色，佢哋一齊咁多年，其實好知道丈夫對佢嘅愛，好知道丈夫從來都以太太為生活軸心。丈夫畀咗好多嘅自由度太太，去做生活上面嘅所有嘅主導，包括寄養小朋友。佢睇到丈夫對佢有好多嘅包容，所以天美姨姨慢慢、慢慢走落去，最終可以原諒到丈夫。」
人生如戲，戲如人生……（文章未完）
歡迎訂閱《娛壹》Patreon睇足本
✨ link在留言 ✨
撰文：Dvora
Fashion Stylist: @135.fz、Tanglai
Makeup Artist: ricky_now_now、Ricky Lau
Hair Sylist: joey__hui、Joey Hui @ Hair Culture
除了 CLS，亦歡迎你用 Super Thanks 支持我哋繼續用心製作🫶
有你哋支持，我哋會走得更遠
1. 喺 YouTube 影片下方（即係Like Dislike的一行）點選「超級感謝」（Super Thanks）；
2. 選擇你想支持嘅Super Thanks金額，目前有：$HKD10、$HKD25、$HKD50、$HKD250四種選項；
3. 透過 App Store/Google Pay 來使用信用卡或預付卡購買，成功後畫面上會出現一個感謝的小動畫；
4. 而成功購買後，喺留言處亦會用彩色來凸顯你的留言，也會顯示你贊助的金額。
多謝你支持娛壹！☺
你的支持❤讓我們得以繼續前行🙌
請訂閱《娛壹》Patreon：
bit.ly/3hZtP25
Todos los comentarios (21)
-
除了 CLS，亦歡迎你用 Super Thanks 支持我哋繼續用心製作🫶 有你哋支持，我哋會走得更遠 1. 喺 YouTube 影片下方（即係Like Dislike的一行）點選「超級感謝」（Super Thanks）； 2. 選擇你想支持嘅Super Thanks金額，目前有：$HKD10、$HKD25、$HKD50、$HKD250四種選項； 3. 透過 App Store/Google Pay 來使用信用卡或預付卡購買，成功後畫面上會出現一個感謝的小動畫； 4. 而成功購買後，喺留言處亦會用彩色來凸顯你的留言，也會顯示你贊助的金額。
-
鄭秀文大個女,思想成熟咗,開心咗,.. 真係好❗
-
你就是你，無需為了誰改變自己
-
流水落花裡夫妻同SAMMI真實有幾分似. 丈夫就太太,無小朋友,丈夫出軌,太太不離婚;之後和解. 流水落花男主角做得好好,好自然. 不似在演戲. 不溫不火. 洽到好處.
-
You have so many fans who love you and support you always! Greatest love of all is to forgive and support your love ones!
-
🎉正如秀文話: 信仰帶給她原諒自己和別人的力量! 親愛的各位，耶穌基督能解決人裏面的矛盾，明白愛的真諦: ❤ 愛是恆久忍耐，又有恩慈；愛是不嫉妒，愛是不自誇，不張狂， 不作害羞的事，不求自己的益處，不輕易發怒，不計算人的惡， 不喜歡不義，只喜歡真理； 凡事包容，凡事相信，凡事盼望，凡事忍耐； 愛是永不止息。❤ 只要相信耶穌，接受耶穌的愛，你和我也可經歷全新的自己，不再走以往的路! 願主祝福大家❤ (聖經．哥林多前書 13:4-8)
-
Sammi，加油！
-
4/3/2024 我覺得她一點都沒有病好 都是走極端 只能說她太偏執 看很多她的電影 包括她說話 都係太執著 相信她一點心理上需要許志安 不是原諒他 是他就係藥 許志安沒有辦法離婚 只能辜負第三者 不過第三者黃心穎屬於自私自利類型 最後沒有事業也失去馬明 不過馬明不見得真愛她 那個陪她走過的泥鰍肯陪她也是緣分 許志安不離婚也是考慮事業 金錢不能離開鄭秀文 事實上他這種背叛等於殺了愛情童話 已經死了
-
you try to be nice !!!!
-
如何可以變化出「流水」之柔？😍😍
-
👍👏👍👏💯🌻
-
鄭秀文係講緊角色定講緊自己件事？咁樣剪接法會唔會有啲唔道德？
-
Goodnight , 呀Mi , So Good , Yeah！；）
-
嘩，真的變了太多！
-
Work 😊
-
Sammi 愈來愈成熟, 而且她好大方, 以前她真是「鄭嗅四」, 覺得她改變了好多
-
因为人年龄到了，心态不同。
-
洪金寶 世一, 真正的 大哥!
-
鄭許:愛是恆久出軌和原諒!💟
-
其實出軌（男或女）可能是當事人在婚姻中要另謀出路，但 苦苦沒有藉口，所以出軌是一個手段，另一方的包容原諒可能沒有解決到問題，反而是對方的情感勒索，我覺得出軌之後分開應該不是壞事
