中聲2畢業晚宴丨肥媽為見證眾參賽者成長而推job 車婉婉重提譚輝智似裝修工人事件
42,141
Published 2024-05-06
歌唱選秀節目《中年好聲音2》，由去年6月海選，到上個月中舉行演唱會，經歷十個幾月嘅旅程佢哋終於正式畢業。呢日一眾中2生，聯同評審、主持、導師同埋一眾幕後工作人員齊齊舉行畢業晚宴，紀念呢咁特別嘅人生經歷。
身為導師之一嘅韋綺姍，就話見到一眾中2生個個相處得咁融合，冇話因為有啲人入唔到圍而妒忌，見到大家呢種氛圍令佢覺得好開心。張佳添就話記得當日眾中2生都係約埋喺同一場地一齊睇首播，而家完咗大家都係喺返同一場地相聚，大家都仲係咁團結，呢個氛圍就係《中年好聲音》嘅家庭呀。
出名感性嘅肥媽呢晚喊完又喊，佢話自己好鍾意《中年好聲音》呢個節目，同時為咗錄呢個節目推咗唔少job：「我出去唱歌幾十萬一場，我寧願唔唱，因為錢任何時間都可以搵，呢個節目對我好緊要，我要睇住、陪住、同你哋一齊去成長。」而身為節目主持嘅車婉婉，就話自己入行30年，做過唔同崗位，但原來一直等緊嘅就係呢個節目。同樣係節目主持嘅許文軒，就指因為呢個節目令觀眾記得自己，所以佢相當感恩呀。
評審周國豐呢晚亦自爆有面盲症，笑言對佢嚟講每個參賽者都係姓鄧，佢仲講返當日海選嘅爆笑尷尬事呀！講到外貌改變更多嘅一位，周國豐就爆當日車婉婉話譚輝智似裝修工人，婉婉聽完即為自己澄清，話自己只係講對方當日衣着同肢體動作似裝修工人。
呢日谷婭溦帶領嘅紅組，同韋綺姍帶令嘅藍組，佢哋嘅衣着顏色跟晒隊型，當中藍組嘅譚輝智仲帶領大家齊齊跳佢嘅招牌舞《屈到病》呀。講到嚟緊會唔會再有合作？古淖文就話計劃如果嚟緊谷婭溦開騷嘅話，佢哋會一齊上去搗亂。
雖然《中年好聲音2》已經完滿結束，但係顔米羔、劉威煌同譚輝智都會定期開live同fans見面。另外呢晚畢業晚宴仲安排咗抽獎環節，張佳添仲提供利是助興，大家仲為3、4、5月嘅壽星慶生呀！
#中年好聲音2 #畢業晚宴 #顔米羔 #劉威煌 #譚輝智 #韋綺姍 #肥媽 #張佳添 #谷婭溦 #周國豐 #面盲症 #許文軒 #車婉婉 #屈到病 #古淖文 #海選 #中年好聲音 #裝修工人 #慶生 #生日 #感性 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
www.facebook.com/TVBENews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
All Comments (21)
-
米羔真係好合適做司儀，轉數快，有急才，人又精靈又有觀眾緣。tvb要好好利用啊。❤
-
最愛古淖文，高大靚仔，期待你的～個人演唱會！😊👍👍👍🎉🎉🎉💥💥💥
-
支持古淖文及各中2生！祝工作順利！心想事成！😊👍👍👍🎉🎉🎉🎉🎉🎉
-
重睇番拾幾年前的古淖文原來他在舞台上已有多方面的表演，真係多才多藝是一個全能藝人👍👍👍👍👍👍👍👍👍👍
-
米羔 🎤佢嗰把磁性嘅聲音，加埋咬字清晰，真係好合適做司儀。而且佢個人，反應快，記性好，又識得搞笑打完場。冇得輸💫👍
-
最期待古淖文嘅演唱會🎉🎉🎉
-
古古好搶眼, 高大靚仔!
-
米羔🧡真係十項全能咁💪🏻歌、跳、演、導、攝、主持，樣樣都可以處理到👏🏻記憶力強、🧠轉數又快、應變力高、能帶動氣氛、人緣好、又玩得但又可以好認真💥係依家演藝圈難得一見嘅人才🥹簡直係食依行飯嘅人👍🏻期待係唔同嘅舞台見到米羔🧡發光💫發亮✨
-
❤古淖文🎉❤❤❤❤❤❤❤❤
-
紅組由小辣椒谷婭溦帶領之下，8位組員中有四位入咗七強，最後仲攞埋冠及季軍添👍👍👍 好期待中年好聲音3，希望小辣椒谷婭溦再做導師🎉🎉🎉❤
-
米羔除了唱得，扮嘢得，原來做司儀也好掂😎👍🏻👍🏻👍🏻👍🏻
-
支持古淖文💪🏼💪🏼💪🏼
-
見到米羔搭着肥媽膊頭，忽然間好有住家嘅感覺。我覺得佢哋兩個合作一個唱歌家煮嘢食嘅綜藝節目。應該幾有看頭。🧑🍳👩🍳
-
呢個節目好成功，收納咗好多鍾意唱歌同埋鍾意聽歌嘅觀眾。呢期仲有好勁嘅辣椒谷婭溦做導師👍，明顯提升咗紅組隊員嘅歌唱質素和表現！好期待中年好聲音3😀😀😀
-
紅組❤👍小辣椒帶晒佢哋全部去開show🎤🎤🎦米羔🎬幫小辣椒🌶️拍MV 😍😍 最好佢兩個一齊唱首歌跳返part 舞就仲正啦。🫰🏻🫰🏻
-
溦溦加油 各位參賽者都繼續加油⛽
-
米羔 ☀️TVB 有佢呢位全能嘅artist 真係好有緣和幸運， 又扮得、又唱跳得、又做得，又玩得，多個節目有佢份肯定收視率高企！ 期待佢同小辣椒嘅合作 🎉
-
谷婭溦開演唱會搵埋紅組成員去好呀，一定支持👍👍👍
-
米羔真係好正。又識影相,仲要勁靚。唱又得跳又得導又得。仲做埋司儀。無得頂 🧡
-
車婉婉小姐你錯啦，嗰件格仔衫係名牌嚟㗎, 輝智唔敢再著啫，但佢冇丟喔！
