Kidangi Shilangtsü - Meyibenla, Imdangjungla Longchar (AMR)

Ao Musical Revival (AMR)
Ao Musical Revival (AMR)
47,211
0
Published 2023-05-11
KIDANGI SHILANGTSÜ
Singers - Meyibenla, Imdangjungla Longchar (AMR)
Lyrics - Talitemjen Imchen
Composer - Wati Jamir
Music & Editing – Sosang Longkümer
Video & Editing – Charles Crezen

Bendang li talang tazüngi aotsü
Tanur-i takok tajongji ango
Tetsü-i jongjonga ko renemtsür
Nüktsü atsünger salema ashi

Teposang na kanga jonga oang
Kinüngertem-i teka ayiploktsür
Airport süngküm tashi otsü longa
Tebo-i ko bener minoktsü

Teti shiti osang akiteper
Takok osang angashia pelar
Makamait saka melong süngzüker
Kidangi shilangtsü matateter

Teposang bendangli nongi arotsü
Pelatepa naro tejong bener
Kinünger airport nong atateper
Aoksa dang tenemtsüng ka nong tsük

Oh tepila narojongang melen
Bo tejen masü tasen jakreper
Alijak mangyimertem jenti dang
Item jaki melong mesüngzüktet

Akümli nong tako marok bener
Kong keji ajorotsü memetet
Tetsür-i asoba arishibo
Aküm ka ama dang süia aor

Teposang na kanga jonga oang
Kinüngertem-i teka ayiploktsür
Airport süngküm tashi otsü longa
Tebo-i ko bener minoktsü

1991 küm August ita 16 nü, Thangjing Hill Impal, Manipur nong Air-India crash asü. Iba lendong nong MBBS final year student, Sangpang Imbilemba densema parnok 69 perongla asü. Ashiko India Air crash asüba poti otsü nong, iba lendong ya tamajongtiba ka asütsü. Tanü Sangpang Imbilemba kidangi meyipa aroba ken AMR-i adener. Iba ken adentsü melaba atema, pa tsürabor danga kanga pelar – AMR.
All Comments (11)