#MM｜旺角花園街一家五口三代生果家族每天工作20小時 17歲「二公主」成生招牌賣生果＋落果欄買貨 日賣53隻大樹菠蘿＋100箱椰王創紀錄 Phoebe落場實試連蕉箱都唔識開｜#700萬種生活
889,646
Published 2021-10-21
周六黃昏的花園街，屬於露天市集的吆喝聲充斥街道。迎頭望過去平日常經過那個琳瑯滿目、貨品排列得比超市更繽紛的生果排檔「雪之果」，一位年輕的少女邊落力地叫賣，一邊招呼著來買果籃的師奶，以及推銷著當天新返貨的香印提子和日本桃。
「水蜜桃多汁多水，咬落去有肉汁食落去有甜味，甜過初戀呀！」
「香印提子食落有花香味，粒粒甜粒粒有驚喜！」
█ 花園街二公主
80至90年代的花園街曾是旺角最旺的街道，這條1.2公里長的街，由最初充斥無牌「走鬼檔」，演變成現在230多個固定排檔的露天市集。如果要數全街最搶眼的排檔，必定是這檔由一家五口一起經營的三代生果檔。跳脫的銷售術、青春的面孔、色彩繽紛的層列架、親切的街坊對話，都成為令人駐足的理由。紮著小馬尾、身穿T恤短褲的年輕女孩，正是生果檔檔主的二女嘉詩，街坊稱她「二公主」、「老二」，除了是檔口生招牌，也是花園街的開心果。
「阿媽教落，推銷客人要站出一點，跟客人距離接近，自然易溝通。其次是用語，盡量說一些有親切感的問句。例如：Hello 今天又來了嗎？盡量當對方是熟客。有些客人喜歡自己慢慢看，你毋須說話；有些人心思思猶豫買不買，你適時sell兩句，他覺得這生果值得試，就想買……」跟這位17歲的少女聊起生果經，她滔滔不絕分享營商之道。
█ 大樹菠蘿之后
這個花園街的生果檔家族，一家五口都各懷技能。人稱「大樹菠蘿之后」的雪姐是大當家，負責生果買賣，絕技是三分鐘內能開到一個大樹菠蘿，以及不用一小時就包好3至40個果籃。老闆強哥最愛躲在角落負責收銀；屬力量型角色的大家姐敏儀，主力做檔口後援及搬抬工作；仍在讀中學的三女詩敏間中仍會計錯數，有空會來檔口幫忙銷售。二女嘉詩是家中最雄心壯志的一位，剛剛升讀大專就讀工商管理的她，是大埔女子足球隊成員，平日熱愛踢波之餘，亦很享受賣生果：「我恨不得將生果店上市、集資，再發達，天天睇檔可以吃生果，跟師奶聊天亦很開心，是種之後很難在打工生活中找到的關係。」
█ 日做20小時的家庭
然而做生果檔年中無休，是眾多排檔中最辛苦的工種。每天工作20小時，只有4小時休息時間。檔口分別由雪姐和強哥負責上下半場，雪姐每天4時起床，5時落果欄買貨，吃過早餐後，大約8時就回檔口開檔。如果一人開檔，需要花三小時才執拾好貨品準備做生意。強哥下午兩時半接場，工作至凌晨12時，同樣需要花幾小時收拾檔口。
剛從加拿大回來放暑假的大家姐和二女嘉詩為了不讓父母太辛苦，就全天候協助他們經營小店。落貨、執貨、包裝生果、上架、執果籃、送果籃、開大樹菠蘿、行銷、收銀、落果欄訂貨，全都由女兒們一手一腳自己來。近幾個月更為檔口設計了新LOGO、工作制服和圍裙，亦準備經營網店，希望將這家族小店搞得有聲有色。「小時候爸媽真的很忙碌，別人小孩放學都有父母接送，我們是沒有的。」別人的Family Day有得遊山玩水，他們放假則是全家人一起到檔口賣生果當是家庭日，一家甘之如飴。
█ 日賣53隻大樹菠蘿創紀錄
昔日花園街仍是露天街市時，老闆強哥的父母已在街上擺檔做小販，最初由賣乾貨起家，80年代強哥接手開始轉型賣簡單水果，到現在賣超過70款生果，更成為全花園街第一檔賣即大樹菠蘿的檔口，曾創下一天賣出53隻（約27公斤重）大樹菠蘿的歷史；亦是街上首家於90年代已售賣冰凍椰王的生果檔。
█ 花園街街頭智慧
強哥將這個普通的檔口擴展成向上發展的八層貨架，將排檔有限空間發揮得淋漓盡致。一個排檔標準尺寸為4尺闊、3尺深、8尺高。雪之果是個孖檔，為了用盡檔口空間，強哥將貨架向前、左、右三面擴散，留下中間位置用來看鋪檔和收銀之用，站在中間的小凹位，身體只需稍微轉動，就可同時視察貨物和服務客人。
花園街亦有很多趣的街道庶民智慧，生果檔有不少小設計，例如強哥在所有燈罩下都加了一層紅紗網，讓燈光照在生果上較有光澤和好看。而向上遞升的八層貨架，同樣由他自行組裝的木櫃砌疊成，櫃底有輪子和儲物空間，方便自由活動。全檔核心位置收銀位，是強哥最愛留守的角落，原來他暗暗在後面裝置了一部隱藏式吹風機，加上檔口每一處都裝了的小風扇，天時暑熱在又悶又焗的檔口看檔，也有陣陣涼風。他又按尺寸訂做了生果籃子放在貨架上，掛上七彩繽紛的果籃作裝飾，令人遠遠也望到這家亮麗又醒目的小店，不買也會駐足觀賞。
在最自由的年歲甘於承繼家族生意的嘉詩，坦言因為家庭關係融洽，讓她常顧念家人，亦不想離開土生土長的花園街，「最滿足是客人讚你推薦的生果很好吃，這些回流客人令人很高興。做生意跟打工心態亦很不同，因為賺的錢都是自己的，上一代為了我們生活這樣拼搏，之後我也希望可親力親為。」一家人融融洽洽、齊心合力經營的小店家族，令人懷念舊日的香港。花園街也許已經老去，但當中的港式情懷和地道故事，依然細水長流。
策劃：王秋婷
攝影：簡加希、張志孟、伍慶泉、陳港怡
剪接：簡加希
監製：陳靜雅
#旺角 #旺角美食 #花園街 #花園街美食
#果欄 #水果 #水果籃子 #果籃 #果欄買生果
#MillMilk
____
MM Website: www.mill-milk.com/
MM Instagram: instagram.com/mm.millmilk
MM Facebook: www.facebook.com/mm.millmilk
____
CHUCKY｜@chuckyching
www.instagram.com/chuckyching/
PHOEBE｜@phoebe.unprofessional.journey
www.instagram.com/phoebe.unprofessional.journey
ELAINE｜@elaine_wow
www.instagram.com/elaine_wow/
京｜@phaedruslam
www.instagram.com/phaedruslam/
KAREN｜@karen__yukiu
www.instagram.com/karen__yukiu/
MANYI｜@manyishum
www.instagram.com/manyishum/
SAM｜（付費內容）
All Comments (21)
-
小後記： 1. 某次經過生果檔買生果，同大家姐吹咗幾句水，開頭以為嘉詩只係店員，心諗：乜咁細個要出嚟打工？之後先知原來係姊妹檔。嘉詩好孝順，檔口雪之果嘅衫、圍裙、Logo都係佢同家姐設計，開口埋口都提住屋企人，或諗點將小檔發大嚟搞，行開檔口一陣會怕媽咪辛苦。見到呢個00後喺最青春放飛嘅日子守住檔口，辛苦得嚟又好享受，我諗一定要本身好愛呢個屋企，先願意付出咁多。一家人只要走埋一齊就好開心，作為旁觀者見到都覺得好窩心💕💕 2. 因為嘉詩同大家姐太好傾，我唔知醜跟埋佢哋去放飯，仲上埋人屋企睇雪房。就促成咗呢個訪問。😂 3. 當日由0800拍到夜晚12點幾，第一次用半參與半觀察的角色拍攝花園街，發現好多街坊之間有趣互動。例如係隨時會有街坊拎堆橙過嚟問：係咪你個檔跌架？跌到成條花園街都係呀！但極有可能係執咗隔嚟檔嘅橙。劏緊大樹菠蘿時，會有街坊拎膠袋嚟袋走菠蘿核同個殼，話可以烚熟嚟食，個殼可用嚟浸腳（懷疑係偏方😂） 大家仲會想睇咩 [七百萬種生活] 的題材？歡迎留言話畀我知啊！ #MM
-
二小姐咁細真係好識諗，又肯捱，性格又好，而且對答好有條理，大個一定會做女強人💪
-
好鍾意見到二女同老豆拖住行街，家陣真係好少見。成家人都好有愛，真係好warm——BTW，點解可以日日都有咁高質的故仔？！:D 勁！
-
條條片都好高汁，阿囡同老豆friend 過打band 果段，從後追住影佢哋背影，好有feel，真情流露好感人。
-
寶藏頻道欸！！ 台灣人看到這種香港日常生活的影片感覺好讚 而且整部片都非常優質 品質就很像大電視台的作品一樣！ 訂閱了🙏🙏
-
二女真係好生性好識諗 佢地成家有個好幸福嘅氛圍💛💛
-
幾位太子女，又靚又本事，讀緊書已經管理成盤生意，仲有時間做運動員，好有前途！
-
好好珍惜呢個頻道，一個保留大大小小香港文化嘅頻道
-
其實三姐妹都好生性, 希望她運用自己的知識來改變生活質素，三姊妹始終都係後生，每日開檔最少要有四個人，父母冇病冇痛都還可以，排檔受天氣因素，分分鐘開唔到檔，妹妹努力加油。
-
二女好成熟，呢家人好有愛，睇到好感動💛
-
嘉詩好孝順好乖女，午餐食慢少少都驚媽咪辛苦，咁細就落舖幫手，好懂事，佢一家人都好warm好溫馨😊😊 大家記得CLS💪🏻💪🏻 撐硬 Mill Milk 💛💪🏻 #MM
-
今晚 Phoebe 會同大家一齊睇！
-
尼集好溫馨，剪個節奏處理得好順，加油！！
-
大小姐二小姐都好成熟懂事，三小姐仲細，加上鏡頭唔多，但相信係呢個家庭下成長都會係有愛之人，成家人真係好窩心！我屋企都係三姐妹，但我妹妹係大半年前只有廿幾歲就離開左，睇到呢個訪問我非常非常掛住佢。
-
phoebe😍呢集個flow都好順 唔為意就睇哂19分鐘! 特別鐘意嗰種喺呢條街土生土長 街坊姨姨睇住你大 好錫你同成日塞禮物俾你嘅感覺 都係細個住啲舊屋邨先會有 好懷念:') 欣賞嘉詩好直率 即使覺得細個家人工作唔體面 大個都接受同為父母親力親為而驕傲～好識諗 希望你哋長做長有!
-
一家人，最開心，最甜蜜，每刻都是工作，每刻都是生活；每刻都咁甜甜蜜蜜！ 加油
-
好鍾意睇你哋嘅節目，令我更深地了解香港，了解唔同嘅生活，地道而且真實。多謝你哋，加油⛽
-
好孝順，淚水差點忍不住
-
個故事好有溫度呀，見到佢哋一家人一條心，咁有愛好開心。搵日都去幫襯下佢哋
-
全家感覺都黑眼圈超重， 肯定好幸苦了 帶三個小朋友，成年人都唔容易。好彩d仔女識捻，父母都好d
