油麻地檔口：五蚊兩份蕉十幾廿隻啊陰公

【慘過沙士】「我好慘啊，我啲香蕉賣到三蚊一份、五蚊兩份，陰公！我係完全無錢賺，嗌到我喉嚨都痛，寧願將所有嘢劈晒出去，五蚊兩份蕉十幾廿隻啊陰公！」張生張太憶起上周五，晚上七時多收到食環通知八時前要收檔，想起也覺得狼狽。二人在油麻地新填地街擺檔三十多年，賣水果和雞蛋，形容此情此景乃第一次發生。二人異口同聲都說，過去一年最難過，比起零三年沙士還要艱苦，「沙士無現在疫情來得嚴重和恐怖，這段日子很難捱，生意各樣都很差很差，未曾見過街市咁少人流，個個走埋嚟買十蚊嘢，都話快啲，唔想逗留咁耐。」張生聽過有大廈保安跟街坊說：「不要去油尖旺買餸，不是你一個人問題，如果有咩事，是整幢大廈的問題。你可想而知有幾恐怖，無人敢來，你話死唔死。」幸好的是，有見近月街市人流少，他們早已減少取貨，封區前一刻，大致賣出存貨，要不然積存幾日「蛋會唔靚，水果會變壞。」疫情一年多，張太說一直以來都是靠自己，「唔係邊個可幫你？」封不封區，她說不輪到他們作決定，但希望政府在封區後，重建市民對該區的信心。片、文：張凱傑 https://www.hkcnews.com